أخبار الموقع

كيف ابدأ في برمجة تطبيقات الاندرويد وكيف اتعلم وما الذي اريده دليلك من الصفر !


ازيكم يا شباب اتمني تكونوا بخير معاكم عمرو حسام من موقع مهندسي الاندرويد

طبعا كلنا عارفين ان الانترنت دلوقتي في كل بيت وفي كل مكان ! 

وكلوا نفسوا يبق ليه وضعوا في العالم الافتراضي ده ! 

اغلب الناس بتبحث عن برمجة الاندرويد والبوست ده انا جمعت ليكم كل القنوات العربية اللي هتعلمك برمجة الاندرويد من الصفر حتي لو معندكش خلفية او اي حاجه :D 

مجال تطوير وبرمجة تطبيقات الاندرويد بق تريند ومطلوب جدا تقريبا بنسبه كبيره اي شخص معاه تلفون اندرويد ! 

يبق لازم تستهدف الناس دي وبما ان البرمجة هي اوكسجين القرن الواحد والعشرين فالازم تتعلمها :D 

قبل ما تتعلم الاندرويد انتا محتاج الاول تتعلم اللغة اللي هتبرمج بيها ! 

لغات برمجه الاندرويد من اهمها: 

Java_kotlin_c++_c# 

بس زي مانتوا عارفين كم شخص متلغبط من اعتماد جوجل لغه كوتلين الجديده انا بنصحك وبقولك كمل جافا لكام سبب هذكرهم في اخر البوست بس منها ان الكوتلين ملهاش حلول واجابات لو عندك مشكله في مشروعك 

بس زي ماقولنا هتتعلم جافا ؟ 

طيب اتعلمها منين ؟؟ انا شخصيا متعلم من عبدالله عيد وده ملك الجافا عموما 

في برمجة الاندرويد انتا مش محتاج تتعمق فيها انتا محتاج تدرس الاساسيات بس ودي بنسميها Java Opp 

طيب الاساسيات هتتقسم ل جافا 101-102-103 ودي زي ماقولتكم كورسات مقدمها الاستاذ عبدالله عيد 

تقدر تشوف الكورسات من اليوتيوب من هنا : 

جافا 101: https://goo.gl/LMe6ld 

جافا 102: https://goo.gl/a3NY1w 

جافا 103: https://goo.gl/VCLLz4 

ملحوظه مهمة المشاهدة مش هتكفيك لازم تذاكر بالورقه والقلم وتجرب وانا في اخر البوست هسبلك تطبيق بيعلمك وفي بيئة تطوير عشان تطبق اللي اتعلمته (: 


نيجي للجزء تاني هو انا خلصت جافا ؟ عايز اعمل تطبيق بق ؟ ونقول تاني انا شخصيا متعلم من حسين الربيعي وده برنس برمجة التطبيقات علي Android Studio ودي افضل واحسن بيئة تطوير من جوجل !! 

تقدر تعمل بيها اي مشروع وطبعا دوره حسين الربيعي لل اندرويد متوفرة علي اليوتيوب 

الدورة مكونة من 161 فيديو هتقدر بعد ما تخلصهم تبني تطبيق كامل ويكون ليك مشروع :D <3 

الدورة محدثة باستمرار والاستاذ حسين الربيعي شارح كل حاجة عن المقدمه وتسطيب ال java و Android Studio 

الدوره علي اليوتيوب من هنا: https://goo.gl/cRgf2W 

وطبعا بردوا سايبلك في اخر البوست بيئة تطوير كامله لاندرويد نفسه لموبيلك بيئة تطوير كامله تقدر تتعلم وتطبق عليها (: 

كام نصيحة عشان متملش ومتزهقش ومتواجهش صعوبه !! 

_ قسم وقتك كل يوم مثلا فيدوهين وتطبق عليهم 

_المشاهدة مش كافية انك تفهم بالعكس لازم تتطبق اللي فهمتة عشان يثبت في موخيخك :D 

_المثابرة والاصرار مهمين جدا ! 


تطبيقات اندرويد هتفيدك وانتا بتتعلم: 

زي ماقولتلكم ده تطبيق بيئة تطوير كاملة اسمه IDE ومتوفر علي موبيلك لل اندرويد وتطبيق مفيد جدا + انتا ممكن تتعلم بس ما انصحكش تتعلم منه ممكن تراجع بس علي اللي اتعلمته + انه بيخليك تقدر تعمل App هيفيدك جدا انك تتطبق علي موبيلك في اي وقت وفي اي مكان بس التطبيق في عمليات شراء جوا فا هتحتاج تبحث عن نسخه كراكيد :D 

رابط التطبيق: https://goo.gl/7lrHuy 

وزي ما قولتلكم بردة تطبيق تعلم الجافا انتا مش هتستخدمه انه يعلمك صراحة لانك مش هتعرف تستوعب التطبيق من شركة Solo learn زي ما قولتلكم غرض التطبيق انك هطبق علي اللي اتعلمته في جافا :D التطبيق في مستويات + شهادة بيمنحهالك في اخر لما تتخطي الاساله (: 

رابط التطبيق: https://goo.gl/rpLJFI 

احد مميزات اندرويد استديو Android Studio: 

_هتكلم عن المميزات اللي مش موجودة في كذا بيئة تطوير اندرويد استديو تقدر تعمل تحويل ل اكواد جافا ل كوتلين بكل سهولة ! 

كهواجة و Ui جميل جدا وحاجات تانية كتيرة منه انه سلس في التعامل وتحس انه ابن ناس كده :D 

_مدعوم من جوجل مش زي اكليبس جوجل رفعت الدعم منه 

_تقدر تعمل Import لاي مشروع علي اي منصة تانيه زي اكليبس كده ! 

احد مشاكل كوتلين حاليا :| : 

_ملهاش حلول واجابات كتير زي موقع stackoverflow مثلا 

_بتحتاج Mini Sdk مش اقل من 4.4 يعني التطبيق بتاعك اللي ب كوتلين مش هينفع يشتغل علي اصدار اقل من كتكات 

_حجم التطبيق او ال Apk بيزيد 1 ميجابايت 

انتهي البوست وفي النهاية حابب اقولكم ربنا يوفقكم دايما <3 

وشكرا

هناك تعليق واحد :