أخر الاخبار

حماية الوافاي الخاص بك من الاختراق وجعلة قويا !



طبعا بعد انتشار تطبيقات وبرامج اختراق الWifi عن طريق ثغرة الWPS زي اللي انا فاتح منها دلوقتي 

😂 فلازم نعرفكو الطريقة اللي تحمو بيها شبكاتكو عشان متكونش عرضة للاختراق عن طريق البرامج دي (طبعا الكلام 
ده مش للشخص اللي فاتح من عندو 😂)
انت كل اللي هتعملو حاجة بسيطة جدا وهي انك توقف خاصية الWps من الراوتر بتاعك 😃 وهل ده ليه ضرر علي النت بتاعك ؟ لا ملهوش.

طبعا في انواع الراوترات مش بيكون فيها خاصية الwps اصلا فالراوترات دي آمنة من الاختراق 

😃
وفي راوترات تانية بسكون فيها زرار جنب زرار الpower بيكون اسمه wps وده ممكن تقفله من غير الخطوات دي بمجرد 
تضغط عليه وتطفي لمبة الwps.
اما بقي المساكين اللي راوتراتهم فيها wps ومفهاش زرار عشان تطفيه هتنفذ الخطوات بنفس الترتيب كده 

اول حاجة هتفتح اي براوزر ويفضل جوجل كروم او للاسف Internet Explorer وتكتب الIP الخاص بالراوتر في المكان 
بتاع الURL 

معظم الاوقات الIP بيكون كالتاتي:

192.168.1.1
واول ما تدخلو هيطلب منك الusername وال password في الغالب بيكون admin و admin لو انت مغيرتهمش.

اول ما يعمل Login هتضغط Wireless settings او WLan علي حسب الراوتر بعد كده اضغط علي Advanced settings 
او Wireless Security واخر حاجة هتضغط علي WPS او WPS settings ولو عليه علامة صح هتضغط عليها عشان 
تشيلها وبكده الشبكة بتاعتك هتكون في امان😃
اسامي الحاجات ممكن تختلف من راوتر للتاني علي حسب نوعه اذا كان واوي او zte ....الخ الخ
طيب مشكلة ممكن تواجهك انك متعرفش الIP بتاعك فممكن تنزل علي موبايلك تطبيق Fing وهيقولك الIP بتاع شبكتك 😃
الموضوع ده زي ما في ناس كتير بتاكل منه عيش (زي حالاتي كده 😂) فقي ناس كتير بتضر من الموضوع ده خصوصا 
اللي انا فاتح من عندو ده 😂 

هناك تعليقان (2):